സമസ്യാപൂരണങ്ങള്‍
കൃഷ്ണാ .....!
മേവാനായ്‌ ക്കൊതിയേറെയുണ്ടു തുളസിത്താരായി നിന്‍ ചേവടി -
പ്പൂവില്‍; കൃഷ്ണ! ഭവാന്റെ പൊന്‍മുരളിയായ്‌ നിശ്വാസമേല്ക്കാനുമേ
താവും ഭക്തിയൊടെന്നുമിക്കരയുഗം കൂപ്പുന്നൊരെന്നെബ് ഭവാ -
നാവിര്‍മ്മോദമനുഗ്രഹിച്ചു തവ തൃപ്പാദങ്ങളില്‍ ചേര്‍ക്കണേ.
വാഗ്ദേവി
ഭൂവെക്കാവ്യതരംഗമാലയണിയിക്കാനായി വെണ്‍താമര -
പ്പൂവില്‍ വാണിടുമംബികേ, തെളിയണേ നീയെന്റെ നാവില്‍ സ്സദാ.
ആവില്ലീസ്സവിധത്തെവിട്ടെവിടെയും പോകാനെനി; ക്കെന്നെ നീ -
യാവിര്‍മ്മോദമനുഗ്രഹിച്ചു തവ തൃപ്പാദങ്ങളില്‍ ചേര്‍ക്കണേ.
നല്ല സുഖകരമായ ഒഴുക്ക്. ചിര പരിചിതമായ ചില കവിതയുടെ ഇടങ്ങളിലെ തണുപ്പ് വീണ്ടും അനുഭവപ്പെടുത്തിയതിന് നന്ദി. കൂടുതല്‍ ദീര്‍ഘകവിതകള്‍ പ്രതീക്ഷിക്കട്ടെ.
ReplyDeletehttp://hksanthosh.blogspot.com
നന്ദി സന്തോഷ്‌... ഇഷ്ടപ്പെട്ടു എന്നറിയുന്നതില്‍ സന്തോഷം... പഴയ കാലത്തേയ്ക്ക് ഒരു മടക്കയാത്ര നടത്താനുള്ള ശ്രമത്തിലാണ് ഞാന്‍... കൈവിട്ടുപോയ പലതും തിരിച്ചെടുക്കാന്‍ ...
ReplyDeleteWonderful to see you post more and more... :)
ReplyDeleteSome of the words I certainly need help with, as you know :)! But the plea, and the prayer were soothing, in the sense that I read it :)